جني صغير

حدث لي موقف مضحك بس يخوف بصراحه


ومع إن دمي صاير ثقيل الأيام هذي بس راح أقوله



أمس صحيت من النوم الساعه 5 العصر تقريبا


وأخذت دش سريع << لاتصدقون سالفة الدش 00 الدنيا برد هاليومين


المهم كنت واقف أحلق وبنفس الوقت أغني وباب التواليت مفتوح طبعا لاني بالبيت لحالي


وتعرفون الواحد اذا صار لحاله ياخذ راحته على الآخر ويغني ويمكن يرقص بعد





فجأه وأنا أحلق وأطالع بالمرايه لمحت شي واقف وراي


طفل صغير

نونو


يمه !!


والله فتحت فمي خمس دقايق وتجمد الدم بعروقي



وزين اللي تجمدت ؟؟


لو ماتجمدت يدي كان لعبت بوجهي لعب بالشفره


وش جاب الطفل عندي بالبيت !!


ومن الخوف سألته 00

ياااا 00

احمم يا ولد

ياااا بسم الله الرحمن الرحيم يااااااا

ماتكلم طبعا ؟؟

جلس يوزع ابتسامات


المهم تمالكت نفسي ورميت الشفره قبل أحلق شفتي أو إذني من الخوف


شفتي = يعني براطمي بس كلمة براطم مو حلوه خصوصا قدام البنات



الطفل عمره سنتين ونص أو ثلاث سنوات يمكن


طبعا عرفت ان من عيال جيراني مع اني ماشفت خشته قبل هالمره


بس عرفت من ملامحه انه ولد فلان

وفلان هذا زميلي بالعمل وصديقي بنفس الوقت

لكن متزوج ثنتين رغم ان عمره 32

وكل شهرين ونص يجيه نونو >> ماشاء الله

ولايدري عنهم


قرويين


والولد هذا شاف باب بيتي مفتوح وأخذ راحته ودخل وأعجبه منظري خخخخخخ



هدت أعصابي وضحكت وأعطيته كتكاته وسحبته من رقبته للشارع



وبالليل هزأت أبوه تهزيئه محترمه ماينساها


وسلامتكم