حرب وعزاوي

الفكر جالي والهواجيـس تحتـاس
ياعزتي مدري علـى ويـن نـاوي
والبال يشكي من كثيـر التعومـاس
سيله على قلـب المولـع نحـاوي
يمسي بهوجاس ويصبح بهوجـاس
والموت عنـده والحيـاه متسـاوي
يصلى سموم القيظ في حمر الاطعاس
فـي لاهـب الكنـه بقفـر خـلاوي
والا طليب الدم مـن خـوف بـلاس
ودع عيالـه عـن ديـاره جـلاوي
على وليف مد لـي بالهـوى كـاس
ثم كف عني ماعـرف لـه حـراوي
ماشفت مثله بالعـذارى والاجنـاس
بالبدو والا الحضـر مالـه حـلاوي
واهني طير يكفخ الريـش قرنـاس
ويسـج نجـد سهولهـا والنـزاوي
اظني القى من زهى لبس الالمـاس
واخذ معه لو ربع ساعـه حكـاوي
حتى يطيب القلب والصدر والـراس
واكف عن كثر العنـاء والشكـاوي
وحمس قلبي حمس بـن بمحمـاس
قاف سبقني بـه عشيـق مهـاوي
ياليتها بالنخـوه تطيـب الانفـاس
والله... لارسـل للقبايـل نخـاوي
اما تجي بالمـال والجـاه والنـاس
والا تجي بالسيف حـرب وعـزاوي








وسلامتكم...............بقلمي