اربع بنات

السلام عليكم ورحمة الله وبركاته

بالأمس تركتم وانا احمل في قلبي محبة لكم

وهذا اليوم اعود وكلي شوق لأخوة لي هنا لهم مني كل الود والاحترام

غياب كان لأسبابه وما حبيت اذكرها في السابق

المهم أني الأن عائد بهذه القصيدة وهي نتيجة موقف حصل لي

دايما اتعرض لمثل هذه المواقف قام يعطيكم من الرخيص




امس العصر فالسوق شفت الملاقيف
اربـع بنـاتٍ واندهونـي حبيَـب
قالن تكلـم قلـت مابـي سواليـف
هفنَ وانـا قلبـي مريـضٍ تعيَـب
نايف انا واحب روس المشاريـف
ماني على نهج الصياعـة قريَـب
قالن تغزَل قلت ماهو على الكيـف
وشلون أغازل واسود الراس شيَب
قالن وسيم وقلت كذب وتحاريـف
ياجعل ناظركـم بوجهـي مخيَـب
قالن تميلح قلت مايصلـح الزيـف
مايلبس الديكـور غيـر المعيَـب
ياما بحرت الحب دون المجاديـف
وياما ضويت بليل والنـور غيَـب
وياما صبرت ابجايرات الشواحيف
وياما ضحكت وطاري الهم سيَـب
أيام مرت كنهـا لمَحـت الطيـف
أقفت وأنا قفيَـت بامـرٍ صعيَـب
سنـة حيـاة وعبـرةٍ للعواريـف
يومٍ صويب ويـوم سالـم وطيَـب