على شفات الحروف الباهتة كيف تمرير السؤال

على شفات الحروف الباهتة كيف تمرير السـؤال
صدر القصيدة وعجز البيت شابت بعين الانتظـار
تتساقط أوراق حرفي مثل دمعًا غشى وجه الرمال
حتى المعالم تلاشت واضمحلـت ورود الاعتـذار
منية الحرف ما خلتني أتشبـث أطـراف الحبـال
قضت على حرفي المنحوت في صدر حافل بالعمار
سجنت حزني بقلبي واستثارت جروحًـا لا تـزال
في خافقي باسطه كف التعب تحتفـل بالانتصـار
ما سرني حالي اللي كـل لحظـة بيـد الاغتيـال
تموت نظره وتنبت في عيوني دمـوع الانكسـار
كل القوانين في قاموس الأفكار تحـت الاحتمـال
إلا حياتي معك قبل ابتديها صـدر منـي القـرار
اسرفت في مبتغى قلبي ولا اعطيت في حبك مجال
اجني عناقيد ودك وأنت تجنـي جنـون الابتكـار
ترسم على لوحة أفكاري بيدك جيـوش الاحتـلال
تورقني افكارك اللي سببت لـي تحطـم وانهيـار
قست المسافات لكن مـا تداركتهـا قبـل الـزوال
كانت خطى هاجسي تقصر ولا تاصل اعماق البحار

يلي سكنت العيون إن كان تقوى على قطع الوصال
تراني أول ضحيه حوطتهـا رموشـك بالحصـار
شرع لي اهداب عينك لا تقول أنني اطلب محـال
دام الهوا قبل ماشوفك فتح لك في اعماقي مطـار
يومك ملكت الخفوق اللي غرامك من امحياه نـال
وشلك تساوم مدامك في فؤادي تجيـر وتستجـار
فواز المالكي