جرحتك وادري جروحك عطايب

جرحتك وادري جروحك عطايب
وقلبك ضـاق واخترتـي فراقـي
انا استاهل أعيش بفكـر غايـب
وقلب(ن) يحترق فيه اشتياقي
جرحتك جرح في دنيـاك صايـب
بسهم الحب وطعوني تساقي
عرفتـك ماعرفتـي إلا الصعايـب
وجودي في حياتك كان شاقي
انا ادري كنت في دنيـاك ذايـب
وتدريـن بهـوى قلبـي وعناقـي
صبرتي مير في صوتـك نحايـب
تجـري ألآآه وانفاسـك تضاقـي
بعدتي ترتجي همـس الهبايـب
وهمسك عاصفه يروي مذاقي
شبابـي ارتحـل واليـوم شايـب
يناديك انكسـر جبـري وساقـي
من افعالي ذبحت اغلا الحبايب
ما الومك دامني بالبعـد هاقـي
خسرتـك إيـه وبجـوّي سحايـب
تـحـدر مزنـهـا رجــم وطـواقـي
جرحتـك اعتـرف ماكنـت هايـب
فقدتـك وارتحـل ماكـان راقــي
ظلمـتـك مـيـر هالدنـيـا نـوايــب
واحاول افهمك بـس مـا ألاقـي
حروفـي ضايعـه بيـن الطلايـب
معانـي داخلـي تعلـن غـلاقـي
انا استاهل صدودك والمصايب
فـمـان الله ذكــرك دوم بـاقــي

كلام جد رائع
ثانكس