نصائح للزوجـــة الذكيـــة...

السلام عليكم ورحمة الله وبركاته

اليك غاليتي بعض النصائح المجربة لتذوبي الجليد بينك وبين زوجك-واتمني الا يكون هناك

جليد من البداية- ولكن سنعتبر تلك النصائح من باب زيادة الود والمحبة واظهار الاهتمام

لشريك حياتك ورفيق دربك

وهي اشياء بسيطة ولن تكلفك اي مجهودوتتوافق مع طبيعة المرأة المرحة وشقاوتها المعهودة

وتدللها المعتاد

لنبدأ بسم الله

1-اذا جلستم في مطعم او في كافيه انظري اليه وقوليله (ياحلو انت ياحلو) كأنك بتعاكسيه

واتفرجي علي الضحك الي من القلب

2-وانتوا سوا في في البيتتعالي باصابعك عند بطنه وحركي

صوابعك كأنك بتزغزغيه كما نفعل مع اطفالنا

وقوليله (ياكركر كوووووووووووووو)

3-ابتسمي واضحكي وخليه دايما يسمع صوت ضحكتك وعينيه تتعود علي ابتسامتك الرقيقة

فيتذكرك دائما وانتي بتبتسمي الرجل يعشق ابتسامة المراة صدقوني

4-دائما عندما تتناولوا مشروباتكم احرصي ان تاخدي كوبه وتضعي له السكر بنفسك

وقلبيه ثم ضعي قليلا من المشروب علي طرف المعلقه وقوليلو دوق ياحبيبي كداالسكر

مضبوط ولا ازود وبعدين امسحي الكوب كويس لوكان وقع حاجه اثناء التقليب وحطيله

المنديل تحت الكوب وقوليلي اتفضل ياروحي بالهنا والشفا وشوفي رده فعله وداااااااااااااومي

علي هذا الفعل دائما

5- فكريه دايما بشرب الماء او العصير املي الكوب المحبب له واحضريه له لو بيتكلم في

التليفون اوقاعد بيتفرج علي التلفزيون لما هيلاقيكي واقفه قدامه بكوب الماء او العصير

هتأسري قلبه ويحس قد ايه انتي واخده بالك منه ومن التفاصيل الصغير بس لكن قبل مايشرب

خدي الكوب منه واشربي انتي الاول واغمزي وقوليله اشرب مكاني عشان تجري ورايا

6-علقي علي لبسه قوليله ايه بس الشياكه دي كلها......او: لا لا لا انا مقدرش علي كدا

الراجل بيحب المدح جدا جدا

7-دايما اكليه بشوكتك او معلقتك مش بس في اول الاكل وخلاص لاعلي طوووووووول

وخصوصا لو بيتفرج علي التلفزيون وانتي عاوزه تلفتي انتباه بطريقه غير مباشره اكليه ,انا لما

بكون غيرانه بعمل كدا واقوم املا المعلقه اكل واقوله حبيبي اول مابيصلي احطه فبقه علي

طووووووووووووول ههههههههههههههههه (اقوله عشان تكبر وتسمن وتربرب)

هههههههههههههههههههههه وهتلاقيه هيموت من كتر الاكل والضحك

8-وانتم معا عوديه دايما علي قربك ومسكة ايدك حتي لوممسكش هو ايدك امسكيها انتي,

ابقي معاه زي الطفلة التي لا تجد الامان ولا تشعر به الا معه وقولي له هذا الكلام : وانا

ماشيه معاك بحس بامان الدنيا.......صدقيني حيشعر بحبك ويحاول يرضيكي باي طريقة

9-الهمس ....الهمس ...الهمس... ساعات وانا قاعده معاه اغمض عيني واخد نفس عميق

وبعدها ابصله وابتسم يقولي سرحتي في ايه اقوله فيك واجي جنب ودنه وبالهمس اقوله بحبك

اوي اوي اوي يااحن زوج في الدنيا

وبس شوفي مفعولها السحري عليه

10-خدي بالك من تفاصيله دايما مثلا انا كنت اقوله شعرك اتنعكش او في حاجه علي

قميصك لو قدامه مرايا مبيرضاش يبصلها يقولي اعمليلي شعري بايدك انتي وبقي دايما يقولي

واحنا ماشيين في حاجة اتلخبطت في لبسي اقوله لا يقولي انتي مرايتي عوديه علي اهتمامك

فلا يستطيع ان يستغني عن هذا الاهتمام

11- المسجات علي الموبيل مهمه اووي اووي اووي ياخواتي دايما حسيسيه بحبك بشوقك

هتخطفي قلبه

12-وانتوا بتاكله قوليله تلاعبني ريست هههههههههه هو طبعا هيغلبك بس ماعلينا حاجه

هتضحكم سوا ودي اهم حاجه المرح مابينكم

13-وانتواسوا في البيت او في العربية طبطبي علي ايده وخدي ايديه واحضنيهم وقوليلوا ربنا

يخليك ليا يااعظم زوج أو ربنا ميحرمنيش منك ابدا ياحب حياتي

14- صحيه لصلاة الفجر هيحبك ويعرف مدي حبك ليه وخوفك عليه وحبك انكم تبقوا

سوا في الدنيا وفي الاخرة

15- الدعااااااااء دايما ادعيله ولو بينكم اولاد علميهم ازاي يدعو لباباوطبعا مفيش مانع من

دعوة حلوة في مسج علي الموبايل متتخيلوش فرحتة حتكون ازاي وهو بيحقق اي نجاح

مهما كان صغير وحتلاقيه يقولك البركة في دعاءك

16-دايمااعملوا نوافل سوا صيام الثلاث الايام البيض,الاثنين والخميس,قراءه اجزاء من

القران طبعا بالاتفاق دي بتقوي علاقتكم وحبكم وربنا بيبارك لكم فبعض

17-دايما اساليه فطرت ولا لا اتغديت,اتعشيت وعاتبيه اذا قصر في حق نفسه قوليله انت

امانة معاك انت الاّن مش ملك نفسك ملكي انا هيسمع الكلااااااااااام علي طول


دي خبرتي المتواضعه حبيت انقلها ليكم عشان تفيدكم ويعم الحب علي كل البيوت يارب

بس صدقوني ليها تاثير كبيير

واهم حاجة رقة المراة التي تميزها عن اي امرأة أخري

برقتك وقلبك المتسامح وعقلك الكبييييييييييييييرحيحبك زوجك جدا جدا وتدوم المودة في بيتك

اتمني الا أكــون قد أطلت عليكم